Алматы қалалық сотында «Жаңа Салық кодексі: негізгі өзгерістер және қолдану тәсілдері» тақырыбында дөңгелек үстел өтті
Іс-шараға сот жүйесінің, прокуратура органдарының, уәкілетті мемлекеттік органдардың өкілдерімен қатар Алматы қалалық адвокаттар алқасының адвокаттары қатысты.
Кездесу барысында жаңа Салық кодексінің негізгі ережелері, оны практикалық қолдану мәселелері, сондай-ақ салық дауларын қараудың өзекті аспектілері талқыланды. Дәлелдеу тәсілдеріндегі жаңашылдықтарға, сот тәжірибесін біріздендіруге және кәсіби заң қауымдастығы мен мемлекеттік органдар арасындағы өзара іс-қимылды нығайтуға ерекше назар аударылды.
Негізгі баяндама жасаған ҚР ҚМ МКК Әдіснама департаментінің директоры Абдрахманов Ораз Аманұлы жаңа өзгерістерге шолу жасап, оларды тәжірибеде қолдану тетіктерін түсіндірді.
Мұндай іс-шаралар адвокатура мен мемлекеттік органдар арасындағы кәсіби диалогты нығайтуға, құқық қолдану тәжірибесін жетілдіруге және азаматтар мен бизнестің құқықтары мен заңды мүдделерін тиімді қорғауға ықпал етеді.
